Tíhíhí, er í Odda og var í vísindaferð með mannfræðinemum (og ég er að læra...?)! Allir eru niðri að horfa á Stellu í orlofi sem ég elska og dái, en er nýbúin að horfa á með mömmu og pabba svo tölvunördinn í mér tók yfir og ég varð að fara og blogga!! En bara gaman af því!!
Er á leið í innflutningspartý hjá Margréti og Einari og hlakka mikið til þess. Var reyndar að komast að því að gjöfin til þeirra (sem ég eyddi öllum gærdeginum í að leita að + gjöfinni til Önnu og Hjalta) kemst ekki til skila því Tinna er með hana og hún er að faraí bekkjarpartý í kvöld og kemur ekki til Mínu svo gjöfin verður því að berast á morgun.
Skemmtið ykkur vel um helgina því það ætla ég að gera...

Jahá! Ég hef komist að því að þetta verður annasöm helgi sem framundan er! Ég var búin að ákveða að fara í vísindaferð með Ýrr á föstudaginn og svo er okkur boðið í innflutningspartý til Margrétar og Einars sem keyptu þessa glæsilegu íbúð í sumar og ég er búin að bíða eftir innflutningspartýi hjá þeim síðan í haust. Svo er mér boðið í innflutningspartý hjá Önnu Ýr og Hjalta á laugardagskvöldið, en þau keyptu líka hina glæsilegustu íbúð í sumar og ég er líka búin að bíða eftir því partýi! Svo frétti ég á kóræfingu á mánudaginn að það er líka kórpartý á laugardagskvöldið og til að kóróna allt saman hringdi indverski "vinur" minn sem ég hitti síðustu helgi og bauð mér í matarpartý á laugardaginn. Þegar ég talaði við hann í símann sagðist ég koma en er ekki alveg eins viss núna. Ég er eitthvað að reyna að mana mig upp í að fara, en ég þekki hann ekki neitt og á örugglega ekki aftir að þekkja neinn annan heldur. Það er eitthvað svo asnalegt að vera að fara í boð hjá einhverjum sem maður þekkir ekki og veit ekkert um fólkið sem verður þar. En er þá kannski bara málið að fara og komast að því?
Fór til Jórunnar minnar í dag (sem er fegurðarstjórinn minn) í vax, lit og plokk svo ég er voða kvenleg og þokkafull núna (aha!!) og hún á eitthvð svo gott núna. Hún að deita voða næs gæja (sem ég á vonandi eftir að hitta bráðlega) og allt bara svo skemmtilegt hjá henni. Ég er eiginlega bara soldið abbó, mér er aldrei boðið á deit og lýsi því hér með eftir deitum!!

Mér finnst The Hives æði!!!