Hmmm, nýtt útlit sem ég kann ekkert á. Jæja sjáum hvernig þetta gengur.
Ég hef fengið skammir fyrir að hafa ekki bloggað í langan tíma svo hér kemur smá...
Ég held að ég hafi ekki hætt að hlægja í vinnunni síðan sendillinn frá DHL sem deitar bara strippara kom (löng saga). Það eru tveir strákar sem voru að klára 10. bekk að byrja að vinna með mér og mér finnst þeir svo fyndnir sem er kannski ekkert svo gott því þetta segir mér að ég sé með sama húmor og 15-16 ára gamlir strákar!! Ég get þó glatt mig við það að Ýrr myndi hlægja að nákvæmlega sömu hlutunum;-) Þetta er samt alveg saklaus og góður húmor þar sem annar er fyrirmyndarbarn (fékk meira að segja verðlaun fyrir að vera slíkur) og hinn er það held ég líka (þó hann eigi engin verðlaun).
Tinna er eitthvað búin að vera súr yfir að ég hafi ekkert talað um afmælið hennar en hún átti afmæli á laugardaginn og hélt rosa flotta veislu. Þetta var algjör stelpu veisla með kampavíni, jarðaberjum og súkkulaðidippi og eðal súkkulaði. Það bara gat ekki verið flottara og betra:-) Ég endaði kvöldið svo soldið full og fór í kapphlaup við strák fyrir utan Devidos og ég vann. Húrra fyrir mér.